کراچی: پاکستان کے معروف مزاحیہ اداکار اسماعیل تارا کراچی میں انتقال کر گئے۔ اسماعیل تارا گردوں کے عارضے میں مبتلا تھے اور کچھ دن سے نجی اسپتال میں زیر علاج تھے۔جمعرات کی صبح ہی انہیں وینٹی لیٹر پر منتقل کیا گیا تھا پھر ان حالت سنبھل نہ سکی اور وہ اپنے خالق حقیقی کو جاملے۔اداکار اسماعیل تارا 16 نومبر 1949ء کو کراچی میں پیدا ہوئے اور 1980 سے فن اداکاری سے وابستہ ہوئے اور کئی اسٹیج ڈراموں، ٹیلی وژن ڈراموں اور فلموں میں کام کیا۔ٹی وی پر چلنے والے پروگرام ’’ففٹی ففٹی‘‘ سے شہرت کی بلندیوں پر پہنچے اور انہیں کئی بار ’’نگار ایوارڈ‘‘ برائے مِزاحیہ اداکار ملا۔
تبصرے بند ہیں.