وزارت اطلاعات ونشریات وقومی ورثہ نے ملکی فلم انڈسٹری کی بحالی کے لیے اسلام آباد میں عالمی معیار کی فلم اکیڈمی قائم کرنے کے لیے جامع حکمت عملی تیارکرلی جس کے تحت گارڈن ایونیو شکر پڑیاں اوپن ایئرتھیٹر سے ملحقہ 60 ایکٹرزمین پرنیشنل فلم اکیڈمی کا قیام عمل میں لایا جائے گا۔ پاکستان نیشنل کونسل آف آرٹس کے ذرائع سے معلوم ہواکہ گزشتہ دورمیں فلم اکیڈمی کی تعمیرکے لیے وزارت قومی ورثہ نے پی سی ون کی منظوری دی تھی لیکن سی ڈی اے کی طرف سے پروجیکٹ کے لیے زمین الاٹ نہ کرنے کی وجہ سے اس منصوبے کوسردخانے میں ڈال دیاگیا تھا۔وزارت قومی ورثہ کے وزارت اطلاعات میں ضم ہونے کے بعد منصوبے کے پی سی ون کو دوبارہ پلاننگ اینڈ ڈیولپمنٹ کوارسال کردیا گیا۔ وزارت کے ذیلی ادارے پاکستان نیشنل کونسل آف آرٹس نے متعلقہ پروجیکٹ پردوبارہ کام کے آغازکے لیے وزارت کے حکام کوآگاہ کیا،اس ضمن میںنیشنل فلم اکیڈمی کا پروجیکٹ دوبارہ شروع کرنے کا فیصلہ کرلیا۔
تبصرے بند ہیں.