یاد رکھا جانے والا کردار نبھانا چاہتی ہوں، چترانگدا سنگھ

ممبئی: بالی وڈ اداکارہ چترانگداسنگھ نے کہا ہے کہ ہمیشہ یاد رکھا جانے والا کردار نبھانا چاہتی ہوں، فلم کا ایسا کردار ملے جسے کرنے پر وہ کردار ہی امر ہوجائے۔ انھوں نے کہا کہ میری اپنی شناخت اور مقام ہے میرا کسی سے موازانہ نہ کیا جائے، میں نے کبھی بھی کسی کو کاپی کرنے کی شعوری کوشش نہیں کی اور نہ ہی ایسا کرنے کے لیے کسی نے کہا ہے۔اداکارہ کا کہنا ہے کہ نئی فلم کے لیے بے مثال کردار نبھانا چاہتی ہوں۔ منفرد کردار کی تلاش میں ہوں جسے نبھا کر امر ہوجانا چاہتی ہوں۔رواں سال اداکارہ کی دو فلمیں سلور اسکرین کی زینت بنائی جائیں گی۔ اداکارہ کا کہنا ہے کہ نئی فلم میں روٹین سے ہٹ کر کام کیا ہے۔ فلم کی کہانی بھی دلچسپ ہے، میوزک عمدہ ہے اور کرداروں پر بڑی محنت کی گئی ہے۔ انھوں نے کہا کہ اچھاکام کرنے کے بعد فلم کی کامیابی کی بھی توقعات رکھتی ہوں۔