یوای ٹی لاہور کی انتظامیہ نے کیمپس میں گلوکاروں، مزاحیہ فنکاروں کی پرفارمنس پر پابندی عائد کردی ہے۔ یو ای ٹی کی انتظامیہ کی جانب سے ایک مراسلے کے ذریعے تمام ڈیپارٹمنٹس اور سٹوڈنٹس سوسائٹیز کو پابند کیا گیا ہے کہ کیمپس میں گلوکاروں ، مزاحیہ فنکاروں کی یونیورسٹی میں پرفارمنس پر پابندی لگا دی گئی ہے ۔بعض سوسائٹیز کی جانب سے ایونٹس شیڈول کئے گئے تھے ۔ یوای ٹی کی سوسائٹیز اپنے ایونٹس کے لئے کوئی انٹری فیس بھی نہیں لے سکیں گی۔ ٹکٹ فروخت کرنے پر بھی پابندی لگا دی گئی ہے ۔ڈائریکٹر سٹوڈنٹس افیئر زکی طرف سے نوٹیفکیشن جاری کیا گیا ہے ۔عمل درآمد نہ ہونے کی صورت میں سوسائٹیز کے خلاف سخت ایکشن لیا جائے گا ۔