کابل میں سویت یونین دور کے قتل عام کی یاد میں مذمتی مظاہرہ

افغانستان کے دارالحکومت کابل میں سوویت یونین دور کے قتل عام کی یاد میں مذمتی مظاہرہ ہوا۔ افغان دارالحکومت کابل میں ہزاروں شہری سڑکوں پر بینرز اور پلے کارڈز تھامے سوویت یونین عہد کے خلاف نعرے لگاتے رہے۔ مظاہرین نے ُاس دور میں قتل کیے جانے والے معصوم شہریوں کی تصاویر اٹھارکھی تھیں۔ احتجاج کے دوران سوویت دور کے حکمرانوں کے پتلے تھامے مظاہرین غم وغصے کا اظہار کر رہے تھے۔ مرنے والوں کی یاد میں شمعیں بھی روشن کی گئیں۔