میرے کام کو پذیرائی بخشنے والوں کے ساتھ ناقدین بھی موجود ہیں ‘ نعمان اعجاز

لاہور( این این آئی)سینئر اداکار نعمان اعجاز نے کہا ہے کہ میرا جس شعبے سے تعلق ہے وہاں میرے کام کو پذیرائی بخشنے والوں کے ساتھ ناقدین بھی موجود ہیں ، مثبت تنقید کا ہمیشہ خیر مقدم کیاہے اور اس سے اپنی اصلاح کرتا ہوں ۔ ایک انٹر ویو میں نعمان اعجاز نے کہا کہ میں نے کبھی یہ نہیں کہا کہ میں ایک مکمل اداکار ہوں اور میں ہر چیز سیکھ چکا ہوں بلکہ میں تو آج بھی سیکھنے کی جستجو میں رہتا ہوں ۔ ضروری نہیں کہ سیکھنے کے عمل میں آپ اس کا ڈھنڈورا پیٹیںبلکہ آپ کسی بھی نئی چیز کا بغور جائزہ لیتے ہیں اور دیکھتے ہیں آپ وہ کام کررہے ہیںیا نہیں۔ نعمان اعجاز نے کہا کہ مجھے معلوم ہے کہ جہاں میرے پرستار ہیں وہیں میرے ناقدین بھی ہوں گے لیکن میں اپنے اوپر کی جانے والی تنقید کا برا نہیں مناتے بلکہ مثبت تنقید سے اپنی اصلاح کرتا ہوں اور یہ بڑی فائدے مند چیز ہے ۔