شاہ رخ خان اور دیپکا کی نئی فلم کی ریلیز عید پر ہوگی
ممبئی: بالی وڈ کنگ اداکار شاہ رخ خان اور دیپکا پڈوکون کی فلم ’’چنائے ایکسپریس‘‘ کی ریلیز عید پر ہوگی اس کے لیے تاریخ ایک روز آگے کر دی گئی۔ فلم کی ریلیز کو دوسری مرتبہ تبدیل کیا گیا ہے۔ اس سے قبل اعلان کیا گیا تھا کہ فلم 8 اگست کو ریلیز ہوگی تاہم رمضان کے باعث کم تعداد میں مسلمان شائقین کی آمد کو مدنظر رکھتے ہوئے اس کی ریلیز 9 اگست بروز عید رکھنے کا اعلان کیا گیا ہے۔ اسی روز اداکار اکشے کمار کی ’’ونس اپان اے ٹائم اِن ممبئی اگین‘‘ بھی ریلیز ہوگی۔
