سندھ حکومت میں شمولیت: ایم کیو ایم اور پیپلز پارٹی کے مذاکرات اتوار کو ہوں گے
کراچی: سندھ حکومت میں شمولیت کے حوالے سے ایم کیو ایم اور پیپلز پارٹی کے درمیان مذاکرات اتوار کو ہوں گے۔ پیپلز پارٹی کے رہنما رحمان ملک اتوار کو ایم کیو ایم کے مرکز نائن زیرو جائیں گے جہاں وہ رابطہ کمیٹی کے اراکین سے ملاقات کے دوران ایم کیو ایم کو سندھ حکومت میں شمولیت کی دعوت دیں گے۔ واضح رہے کہ سید قائم علی شاہ وزارت اعلیٰ کا حلف اٹھانے کے بعد لیاری میں پیپلز امن کمیٹی کے رکن کے گھر عشائیے پر گئے تھے جس کے بعد ایم کیو ایم کی جانب سے سخت ردعمل کا اظہار کیا گیا تھا لیکن اس کے باوجود صدر آصف زرداری نے پارٹی کے ارکان کوایم کیو ایم کے ساتھ مفاہمت کا عمل جاری رکھتے ہوئے کسی بھی قسم کی بیان بازی کرنے سے گریز کرنے کی ہدایت کی تھی۔
تبصرے بند ہیں.