جیل حکام نے سنجے دت کو گھر سے کھانا فراہم کرنے کی درخواست مسترد کردی
پونا: یروادا جیل کے حکام نے بالی ووڈ اداکار سنجے دت کو دوران قید گھر سے کھانا فراہم کرنے کی درخواست مسترد کر دی ہے۔ بھارتی میڈیا کے مطابق سنجے دت کے اہل خانہ کی جانب سے جیل حکام سے درخواست کی گئی تھی کہ سنجے کو گھر سے کھانا فراہم کرنے کی اجازت دی جائے تاہم انتظامیہ نے یہ کہتے ہوئے درخواست مسترد کر دی کہ جیل قوانین اس قسم کی اجازت نہیں دیتے کہ کسی بھی شخص کو دوران قید گھر کا کھانا فراہم کیا جائے، بھارتی میڈیا کا کہنا ہے کہ جیل حکام نے اس حوالےسے ٹاڈا کورٹ سے بھی رائے طلب کی ہے۔ واضح رہے کہ ممبئی کی عدالت نے سنجے دت کو گھرسے فراہم کیا جانے والا کھانا کھانے کی اجازت دے رکھی تھی۔
تبصرے بند ہیں.