اداکارہ انکتا لوکھنڈے کے اپارٹمنٹ میں بھی کورونا مثبت مریض ملا ہے ، جس کے بعد سوسائٹی کو سیل کردیا گیا ہے ۔ جس اپارٹمنٹ میں انکتا رہتی ہیں ، وہیں سے ایک کورونا پوزیٹو مریض پایا گیا ہے ، جس کے بعد احتیاطی طور پر پوری سوسائٹی کو سیل کردیا گیا ہے اور لوگوں کو ایک دوسرے سے نہ ملنے اور اپنے آپ کو 14 دنوں کیلئے کوارنٹائن کرنے کیلئے کہا گیا ہے ۔انکتا کے اپارٹمنٹ میں اشیتا دھون ، نتاشا شرما اور مشکت ورما جیسے سلیبریٹیز بھی رہتے ہیں ۔ اپارٹمنٹ میں جو شخص کورونا وائرس پوزیٹیو پایا گیا ہے ، وہ اسپین سے ہندوستان لوٹا تھا ۔ حالانکہ نوجوان ائیر پورٹ پر کورونا نگیٹو پایا گیا تھا ، لیکن کچھ دنوں بعد کورونا کی علامتیں دکھائی دینے پر جب اس نے دوبارہ جانچ کروائی تو وہ پازیٹو پایا گیا ۔
تبصرے بند ہیں.