یہاں تو واش روم بھی جانا ہو تب بھی پوسٹنگ ہورہی ہوتی ہے

اداکارہ سعدیہ فیصل نے ہانیہ عامر کے بیان پر ردعمل دیتے ہوئے سوشل میڈیا حد سے زیادہ استعمال کرنے والوں کو تنقید کا نشانہ بنایا ہے۔کچھ روز قبل ایک انٹرویو کے دوران ہانیہ عامر نے کہا ‘میرے خیال میں کسی کو بھی اپنے رشتے سے متعلق سوشل میڈیا پر کبھی پوسٹ نہیں کرنا چاہیے’۔ہانیہ عامر نے کہا ‘آپ کو کبھی کسی کو نہیں بتانا چاہیے کہ آپ کسے ڈیٹ کررہے ہیں اور آپ کی زندگی میں کیا چل رہا ہے، یہ ایسی باتیں ہیں جو کبھی بھی کسی کو نہیں بتانی چاہئیں’۔ہانیہ کا بیان سوشل میڈیا کی زینت بنا تو اس پر سینئر اداکارہ صبا فیصل کی صاحبزادی اداکارہ سعدیہ فیصل نے اظہارِ خیال کیا۔انہوں نے انسٹاگرام اسٹوری پر ہانیہ کی بات سے متفق ہوتے ہوئے طنز کیا کہ ‘یہاں تو واش روم بھی جانا ہو تب بھی پوسٹنگ ہورہی ہوتی ہے’۔