مالی وزیر ستان ایجنسی کے علاقے میر علی میں سیکیورٹی فورسز کی چیک پوسٹ پر خود کش حملے میں تین اہل کار شہید ، جب کہ چھ زخمی ہوگئے۔ بدھ کے روز میر علی کے علاقے شواہ میں دہشت گرد نے بارود سے بھری گاڑی سیکیورٹی فورسز کی چیک پوسٹ سے ٹکرا دی، جس کے نتیجے میں تین سیکیورٹی اہل کار شہید، جب کہ چھ زخمی ہوگئے، جن میں سے دو سیکیورٹی اہل کاروں کی حالت نازک ہے۔ شہید اور زخمی فوجیوں کو ہیلی کاپٹر کے ذریعے سی ایم ایچ بنوں منتقل کردیا گیا ہے۔ سیکیورٹی فورسز نے علاقے کو گھیرے میں لے کر سرچ آپریشن شروع کردیا، تاہم کوئی گرفتاری عمل میں نہیں آئی۔
تبصرے بند ہیں.