نیویارک:امریکہ میں گزشتہ دنوں ایک خاتون فضائی سفر کے لیے طیارے میں سوار ہوئی اور اپنی ونڈو سیٹ تک پہنچنے کے لیے ایسی گھٹیا حرکت کر ڈالی کہ کوئی سوچ بھی نہ سکتا تھا۔ خاتون کے جہاز میں آنے سے پہلی اس کی قطار میں دیگر مسافر آ کر اپنی سیٹوں پر بیٹھ چکے ہوتے ہیں اور جب یہ خاتون آتی ہے تو اپنی کھڑکی کے ساتھ والی سیٹ تک پہنچنے کے لیے مسافروں کے اوپر سے گزرنا شروع کر دیتی ہے۔رپورٹ کے مطابق طیارے میں موجود برینڈن نامی ایک خاتون نے اس عورت کی ویڈیو بنا کر سوشل میڈیا پر پوسٹ کی ہے جس میں دیکھا جا سکتا ہے کہ یہ عورت دیگر مسافروں کے اوپر پاﺅں رکھتی ہوئی اپنی سیٹ تک جاتی ہے۔ یہ ویڈیو تیزی سے وائرل ہو رہی ہے اور صارفین کی اکثریت اس خاتون کو کڑی تنقید کا نشانہ بنا رہی ہے۔ ویڈیو پر کمنٹس میں ایک شخص نے لکھا ہے کہ ”جن لوگوں کے اوپر سے یہ عورت گزر رہی ہے، حیران کن طور پر انہوں نے بھی کوئی ردعمل نہیں دیا۔ انہیں چاہیے تھا کہ ایسی بداخلاقی پراسے اٹھا کر دور پھینک دیتے۔“
تبصرے بند ہیں.