اپوزیشن کہتی ہے کارڈ چھپائے ہیں،عمران خان بھی چھاتی سے کارڈلگاکر کھیلتاہے ‘شیخ رشید

اسلام آباد:وفاقی وزیرداخلہ شیخ رشید نے کہا ہے کہ اپوزیشن عدم اعتمادلائے،ناکامی ان کامقدرہے،ساڑھے 3 سال سے لگے ہیں،آج آرہے ہیں کل آرہے ہیں، 172ممبرلاناآپ کاکام ہے،پھر کہتے ہیں کورونا آگیاتھا ، فون آگیاتھا،اپوزیشن کہتی ہے کارڈ چھپائے ہیں،عمران خان بھی چھاتی سے کارڈلگاکر کھیلتاہے ،عمران خان اورجہانگیرترین پرانے ساتھی ہیں، دوستوں میں اختلافات ہوجاتے ہیں،جہانگیرترین سے بات کی جائے توامیدہے وہ مثبت جواب دیں گے، پیپلزپارٹی سے ذمہ دارانہ کردارکی توقع ہے،آپ باتیں، ملاقاتیں اورگزارشات جوکررہے ہیں ان کاکچھ نہیں نکلنا،ایم کیوایم اورق لیگ ہماری اتحادی ہیں،سیاستدان کبھی دروازے بندنہیں کرتا،الیکشن میں ایک سال رہ گیا،انتخابی سرگرمیاں شروع ہوگئی ہیں،اپوزیشن عدم اعتمادکاووٹ لائے گی تب بھی پھنسے گی،ہوسکتاہے اپوزیشن کی بیوقوفیوں کی وجہ سے تاریخ لکھی جائے۔