نیویارک(مانیٹر نگ ڈیسک) جموں و کشمیر کے ممبروں پر او آئی سی رابطہ گروپ نے مقبوضہ کشمیر میں انسانی حقوق کی بگڑتی ہوئی صورتحال پر تبادلہ خیال کرنے کے لئے ملاقات کی۔میڈیارپورٹس کے مطابق وزیر خارجہ شاہ محمود قریشی کی درخواست پر جموں و کشمیر پر او آئی سی رابطہ گروپ کے ممبران نے نیویارک میں غیر رسمی ملاقات کی جس میں مقبوضہ جموں وکشمیر میں انسانی حقوق کی بگڑتی ہوئی صورتحال پر تبادلہ خیال کیا گیا۔اجلاس میں پاکستان کے مستقل مندوب سفیر منیر اکرم اور سعودی عرب ، نائجر اور آذربائیجان کے مستقل نمائندوں نے شرکت کی۔ او آئی سی سکریٹری جنرل کی نمائندگی اقوام متحدہ میں او آئی سی آبزرور مشن کے مستقل نمائندے ، سفیر آگشین مہدیئیف نے کی۔رابطہ گروپ کے ممبران نے جموں و کشمیر، کنٹرول لائن پر انسانی حقوق کی پامالی اور انسانی صورتحال میں تنا میں حالیہ پیشرفتوں کا جائزہ لیا۔وزیر خارجہ شاہ محمود نے خصوصی پیغام میں کہا کہ ہندوستان میں آر ایس ایس- بی جے پی حکومت ایسی حکمت عملی اختیار کئے ہوئے ہیں جسے یہ حکمران حتمی حل سمجھتے ہیں۔شاہ محمود نے کہا کہ یہ نئے ڈومیسائل قواعد کے ذریعہ کشمیر میں آبادیاتی تبدیلی کو منظم طریقے سے انجینئرنگ میں مصروف ہیں، 1.6 ملین ڈومیسائل سرٹیفکیٹ (مارچ سے)جاری کرنے کا مقصد کشمیر کی آبادی کو ایک مسلم اکثریت سے ہندو اکثریتی علاقے میں تبدیل کرنا تھا۔شاہ محمود نے بتایا کہ گزشتہ ماہ ہیومن رائٹس کونسل کے اٹھارہ خصوصی مینڈیٹ ہولڈرز کے مشترکہ رابطے میں بھی کشمیر میں انسانی حقوق کی صورتحال کو free fall آزاد زوال قرار دیا تھا۔او آئی سی کے اصولی موقف کی توثیق کرتے ہوئے رابطہ گروپ کے تمام ارکان نے مقبوضہ جموں و کشمیر میں بنیادی انسانی حقوق کی بھارت کی طرف سے جاری خلاف ورزیوں پر بات کی اور گہری تشویش کا اظہار کیا۔گروپ ممبران نے وزیر خارجہ پاکستان کی سفارشات کی مکمل تائید کی جو فوری طور پر عدم استحکام کے لئے ضروری تھیں۔رابطہ گروپ نے اقوام متحدہ کے سیکرٹری جنرل ، اقوام متحدہ کی سلامتی کونسل اور اقوام متحدہ کی انسانی حقوق کونسل سے یہ بھی کہا کہ وہ بھارت سے مطالبہ کریں کہ وہ مقبوضہ جموں و کشمیر میں انسانی حقوق کی پامالیوں کو روکیں ، 5 اگست 2019 کو اور اس کے بعد کیے گئے یکطرفہ اور غیر قانونی اقدامات کو منسوخ کریں۔
تبصرے بند ہیں.