کراچی (بیورورپورٹ) اپنے اجداد کی میراث کو جاری رکھیں گے، ہر قیمت پر عوامی مفادات کا تحفظ کریں گے، کورونا بحران کا مقابلہ کرنے کیلئے شہید بھٹو کے وڑن کی پیروی کرنا ہوگی۔چیئرمین پیپلزپارٹی بلاول بھٹو زرداری نے ذوالفقار علی بھٹو کے یومِ شہادت پر اپنے پیغام میں کہا حقیقی رہنما بحرانوں کے دوران عزم وہمت سے قوم کی رہنمائی کرتے ہیں، آج کڑے وقت میں پاکستان کے عوام ایک نئے ذوالفقار علی بھٹو کی تلاش میں ہیں، ایسا لیڈر جو ہمیں آپسی اختلافات کے باوجود متحرک کرے اور اس مہلک وباءسے نکالنے کے لئے قیادت کرے، پاکستانی عوام شہید ذوالفقار علی بھٹو کی قربانی کو کبھی فراموش نہیں کریں گے۔بلاول بھٹو زرداری کا کہنا تھا شہید بھٹو کے پیغام میں یقین رکھنے والے تمام لوگ اور پیپلز پارٹی کسی بھی بحران میں عوام کو تنہا نہیں چھوڑ سکتے، ہر قیمت پر اپنی عوام اور ان کے مفادات کا تحفظ کریں گے۔
تبصرے بند ہیں.