لاہور: قومی ویمنز ٹیم کی کپتان فاطمہ ثناء نے کہا ہے کہ آئی سی سی کو ورلڈ کپ کے لیے اچھے وینیوز کا انتخاب کرنا چاہیے۔پاکستان اور سری لنکا کے مابین کولمبو میں شیڈول میچ بھی بارش کی نظر ہوگیا تھا جس کے ساتھ پاکستان کا ورلڈکپ میں سفر بغیر جیت کے تمام ہوا۔کپتان فاطمہ ثناء نے آئی سی سی پر تنقید کرتے ہوئے کہا ہے کہ ہم ورلڈکپ کے لیے چار سال انتظار کرتے ہیں، ورلڈکپ کے اچھے وینیوز کا انتخاب کرنا چاہیے، ہم نے گزشتہ کچھ عرصے میں زیادہ کرکٹ نہیں کھیلی۔خیال رہے کہ پاکستان ٹیم کے ورلڈکپ کے 7 میں سے 3 میچز بارش کی نذر ہو گئے تھے جبکہ 4 میں اسے شکست کا سامنا کرنا پڑا ہے۔
تبصرے بند ہیں.