مولانا فضل نے وزیراعظم کو ممنون حسین کو ووٹ دینے کی یقین دہانی کرادی
جمعیت علماء اسلام کے سربراہ مولانا فضل الرحمان نے وزیراعظم نواز شریف کو صدارتی امیدوار ممنون حسین کو ووٹ دینے کی یقین دہانی کرادی۔ مولانا فضل الرحمان نے اسلام آباد میں وزیر اعظم نواز شریف سے ملاقات کی اور تیس جولائی کو صدارتی انتخابات اور موجودہ سیاسی صورتحال پر تبادلہ خیال کیا۔ وزیر اعظم نے مولانا فضل الرحمان اور ان کی جماعت سے ن لیگ کے صدارتی امیدوار ممنون حسین کی حمایت کی درخواست کی۔ ذرائع کے مطابق مولانا فضل الرحمان نے وزیراعظم کو یقین دہانی کرائی ہے کہ وہ حکومت کے اتحادی ہیں اور رہیں گے۔ اور جے یو آئی کے ارکان صدارتی انتخاب میں ممنون حسین کو ہی ووٹ دیں گے۔۔
تبصرے بند ہیں.