افغانستان میں سڑک کنارے نصب بم دھماکا، 7 افراد ہلاک، 17 زخمی

غزنی: جنوبی افغانستان میں سڑک کنارے نصب بم پھٹنے کےنتیجے میں بس میں سوار 7 افراد ہلاک اور 17 زخمی ہو گئے۔ غیرملکی خبرایجنسی کے مطابق بس قندھار سے کابل کی جانب جا رہی تھی کہ صوبہ غزنی کے علاقے میں سڑک کنارے نصب بم سے ٹکرا گئی جس کے پھٹنے سے خاتون اور 3 بچوں سمیت 7 افراد ہلاک اور 17 زخمی ہو گئے۔ پولیس اورریسکیو ٹیموں نے لاشوں اورزخمیوں کو اسپتال منتقل کردیا جہاں بعض زخمیوں کی حالت تشویشناک بتائی جاتی ہے۔ دھماکے کی زمہ داری کسی گروپ کی جانب سے قبول نہیں کی گئی تاہم افغان وزارت داخلہ کے مطابق دھماکے کے پیچھے طالبان کا ہاتھ ہے۔