روزے كے تقدس کی پامالی پرغيرمسلم تاركين وطن كو نکال دیا جائے گا، سعودی وزارت داخلہ

رياض: سعودی وزارت داخلہ کے حکام کا کہنا ہے کہ رمضان المبارک کے دوران روزے كے تقدس کو پامال كرنے والے غير مسلم تاركين وطن كو ملک بدر كر دیا جائے گا۔ وزارت داخلہ كی جانب سے جاری ہونے والے بيان كے مطابق رمضان المبارک كا آغاز ہو رہا ہے، ماہ مقدس كے دوران كوئی غير مسلم تاركين وطن عوامی مقامات پر كھاتے، پيتے يا روزہ كے منافی غير اخلاقی حركات كرتے پايا گيا تو اس كے خلاف سخت کارروائی کی جائے گی ، جس میں اس كی ملازمت كا معاہدہ ختم اور ملک بدری كے احكامات بھی ديئے جا سكتے ہيں ، بيان میں مزید کہا گیا ہے کہ يہ احكامات سعودی عرب ميں مقيم تمام غير مسلم تاركين وطن پر لاگو ہوں گے۔