عمران خان نے شہباز شریف کو گرفتار کرایا، مریم اورنگزیب کا الزام

لاہور (آن لائن) پاکستان مسلم لیگ ( ن ) کی ترجمان مریم اورنگزیب نے کہا ہے کہ عمران خان نے خوفزدہ ہو کر شہباز شریف کو گرفتار کرایا، جان بوجھ کر شہباز شریف کی صحت خراب کی جا رہی ہے۔اپنے ایک بیان میںترجمان مسلم لیگ نون مریم اورنگزیب نے کہا کہ شہباز شریف کی گرفتاری سے عوام کو آٹا اور روٹی نہیں ملتی، عمران خان کی تباہ کی ہوئی معیشت ٹھیک نہیں ہوگی، شہباز شریف کی گرفتاری سے گیس، بجلی سستی ہوئی نہ لوگوں کو روزگار ملا، وزیراعظم کو بتانا چاہتی ہوں شہباز شریف کو بند کر کے ادویات سستی نہیں ہوئیں، عوام 23 فارن فنڈنگ اکاؤنٹس نہیں بھولے۔مریم اورنگزیب کا کہنا تھا شہباز شریف کو ڈاکٹرکی رسائی نہ دے کر عوام آٹا چینی چور جہانگیرترین کو نہیں بھولے، عوام ووٹ، آٹا، چینی، گیس اور بجلی چوری کرنیوالے کو نہیں بھولے عمران خان احمقوں کی جنت میں رہتے ہیں لیکن عوام حقیقت سے آگاہ ہے ۔