کبھی کسی کی ذاتی زندگی میں مداخلت نہیں کی دوسروں سے بھی ایسی ہی توقع رکھتی ہوں‘ لیلیٰ

لاہور(شوبزڈیسک ) نامور اداکارہ لیلیٰ نے کہا ہے کہ میرا میڈیا سے شروع سے ہی بڑا مضبوط اور پائیدار رشتہ ہے اور میری کامیابیوں میں میڈا کا بڑا ہاتھ ہے ، دور حاضر میں میڈیا مظلوم افراد کی آواز کو حکام بالا تک پہنچانے اور ان کے مسائل کو حل کرنے میں اہم کردار ادا کر رہا ہے جو بڑی خوش آئند بات ہے ۔ایک انٹر ویو میں انہوں نے کہا کہ مجھے علم ہے کہ بعض شر پسند عناصر میرے نام اور شہرت سے جلتے ہیں،میں نے کبھی کسی کی ذاتی زندگی میں مداخلت نہیں کی اس لئے دوسروں لوگوں سے بھی ایسی ہی توقع رکھتی ہوں۔انہوں نے کہا کہ میں مختلف پراجیکٹس کے حوالے سے منصوبہ بندی میں مصروف ہوں اور بہت جلد اپنے پرستاروں کے سامنے آئوں گی ۔