مانچسٹر (یواین پی) انگلینڈ کے خلاف ٹیسٹ میچ میں نصف سنچری بنانے والے بابراعظم مسلسل پانچ اننگز میں 50 یا زائد اسکور کرنے والے 7 ویں پاکستانی بن گئے۔ انگلینڈ کے خلاف پہلے ٹیسٹ کی پہلی اننگز میں پاکستانی ٹیم نے کھیل کے پہلے روز 2 وکٹوں کے نقصان پر 139 رنز بنائے۔25 سالہ بابر اعظم نصف سنچری کے ساتھ ہی مسلسل پانچ اننگز میں پچاس یا زائد سکور کرنے والے ساتویں پاکستانی بن گئے ہیں۔ ان سے پہلے ظہیرعباس، محمد یوسف، مصباح الحق، سعیدانور، انضمام الحق اور سرفرازاحمد یہ کارنامہ سر انجام دے چکے ہیں۔ بابر اعظم کی پانچ اننگز میں 3 سنچریاں اور دو نصف سنچریاں شامل ہیں۔
تبصرے بند ہیں.