بجلی تقسیم کار کمپنیوں کو انرجی سیورز کی فراہمی شروع

اسلام آباد: بجلی بحران پرقابو پانے کیلیے وفاقی حکومت اورایشیائی ترقیاتی بینک کے تعاون سے بجلی کی تقسیم کارکمپنیوں کوانرجی سیورزکی مرحلہ وارفراہمی کا آغاز کردیا گیا ہے۔ پہلے مرحلے میں10لاکھ انرجی سیورز پہنچادیے گئے جو9کمپنیوں میں تقسیم کیے جائیں گے، رواں سال نومبر کے آخر تک3 کروڑانرجی سیورز کی فراہمی کاعمل مکمل ہوگا،ذرائع نے بتایاہے کہ چین میں تیار ہونے والے یہ انرجی سیورز صوبائی حکومتوں کے تعاون سے کمپنیوں کو فراہم کیے جائینگے جبکہ ہرصارف کو 2، 2انرجی سیورزملیں گے تاکہ زیادہ سے زیادہ بجلی بچائی جاسکے۔ذرائع کا کہناہے کہ پہلے مرحلے میں موصول ہونیوالے انرجی سیورزمیں سے 3لاکھ انرجی سیورزفیصل آباد،ایک لاکھ انرجی سیورزجھنگ اور ایک لاکھ انرجی سیورسرگودھاریجن کیلیے بھی مختص ہوں گے۔