ضمنی الیکشن: اے این پی اور جے یو آئی (ف) میں انتخابی اتحاد قائم

پشاور: عوامی نیشنل پارٹی اور جمعیت علما اسلام (ف) نے ضمنی الیکشن کے لیے انتخابی اتحاد قائم کر لیا ہے۔ رائل نیوز کے مطابق جے یو آئی (ف) قومی اسمبلی کے 2 اور صوبائی اسمبلی کے ایک حلقے پر اے این پی کی جب کہ اے این پی قومی اسمبلی کے 3 اور صوبائی اسمبلی کے 2 حلقوں پر جے یو آئی (ف) کی حمایت کرے گی ، قومی اسمبلی کے حلقہ این اے ون، این اے 5 اور صوبائی اسمبلی کے حلقہ پی کے 23 پر جے یو آئی (ف) اپنا کوئی بھی امیدوار میدان میں نہیں اتارے گی جب کہ این اے 13 صوابی، این اے 25 ٹانک، این اے 27 لکی مروت اور پی کے 70 بنوں سے اے این پی کا کوئی بھی امیدوار انتخاب نہیں لڑے گا۔