دونوں ٹیموں کے درمیان سیریز کا پہلا ٹی ٹونٹی میچ قذافی سٹیڈیم کی مصنوعی روشنیوں میں سات بجے کھیلا جائے گا
لاہور ( قومی شاہین 6 سال بعد ہوم گرائونڈ پر پرواز کرنے کو تیار ہوگئے ، پاکستان اور زمبابوے کے درمیان سیریز کا افتتاحی ٹی 20 معرکہ کل لگے گا ۔ چھ سال کے طویل انتظار کے بعد پاکستان میں انٹرنیشنل کرکٹ کے دروازے کھل گئے ۔ زمبابوے نے قدم بڑھایا اور قذافی سٹیڈیم کی رونقیں بحال کر دیں ۔ مہمان ٹیم زمبابوے اور پاکستان کے درمیان سیریز کا پہلا ٹی 20 میچ جمعہ کو کھیلا جائے گا ۔ دونوں ٹیمیں پاکستانی وقت کے مطابق شام 7 بجے قذافی سٹیڈیم لاہورمیں مدمقابل ہوں گی ۔ پہلی بار عوام قومی ہیروز کو ہوم گراؤنڈ میں پرفارم کرتا دیکھیں گے ۔ زمبابوے نے ٹی ٹونٹی سیریز کیلئے دو دن بھرپور پریکٹس کی ۔ کنڈیشنز سے ایڈجسٹ ہونے کیلئے بائولنگ اور فیلڈنگ میں خصوصی توجہ دی گئی ۔ پاکستانی شاہینوں نے بھی ہوم گراؤنڈ پر کامیابی کے جھنڈے گاڑنے کیلئے بھرپور انداز میں تیاریاں کیں ۔ سرفراز احمد کے علاوہ تمام کھلاڑیوں نے فزیکل ٹرینگ کے ساتھ تینوں شعبوں پرکام کیا ۔ یہ پہلا موقع ہے کہ پاکستان ہوم گراؤنڈ پر زمبابوے کیخلاف ٹی ٹونٹی سیریز کھیلے گا ۔ –
تبصرے بند ہیں.