واشنگٹن:
واشنگٹن اوپن ٹینس ٹورنامنٹ میں17 سالہ کینیڈین پلیئر بینیکا اینڈریسکو نے کرسٹینا میلڈینووک کو دوسرے راؤنڈ میں شکست دے کر تاریخ رقم کردی۔
بینیکا اینڈریسکو 21ویں صدی میں پیدا ہونے والی پہلی ڈبلیو ٹی اے پلیئر بنیں جنھوں نے ٹاپ 20 میں شامل کسی حریف کو مات دی، فرنچ کھلاڑی کرسٹینا کو 13 سیڈنگ حاصل تھی تاہم وہ ناکامی کے بعد ایونٹ سے باہر ہوگئیں، بینیکا نے کوارٹرفائنل میں شرکت کا حق حاصل کرلیا، ان کی جیت کا اسکور6-2 اور6-3 رہا، بینیکا کیریئر کے دوسرے ہی ڈبلیو ٹی اے میں کوارٹر فائنل تک پہنچنے میں کامیاب ہوگئی ہیں۔
تبصرے بند ہیں.