ناردرن ڈسٹرکٹس کے خلاف میچ میں ٹیم 98 پر ڈھیر ،کوئی بلے باز ڈبل فگر میں داخل نہ ہوسکا
رائے پور ( ) چیمپئنز لیگ کوالیفائنگ راؤنڈ میں ایک فتح کے بعد لاہوری شیر ناردرن ڈسٹرکٹس کے سامنے 98 رنز پر ڈھیر ہو گئے ۔ سعد نسیم کے 58 رنز بھی حفیظ الیون کے کام نہ آئے ۔ رائے پور میں ہونیوالے کوالیفائنگ راؤنڈ کے دوسرے میچ میں لاہور لائنز کی بیٹنگ ریت کی دیوار ثابت ہوئی ۔ ناردرن ڈسٹرکٹس کے 171 رنز کے ہدف کے تعاقب میں لاہوری شیروں کا ٹم ساؤتھی اور ٹرینٹ بولٹ نے شکار کیا ۔ سعد نسیم کی ففٹی سینئر پلئیرز کا منہ چڑاتی رہی ، ان کے 58 رنز کے علاوہ کوئی بیٹسمین بھی ڈبل فگر میں نہ جا سکا ، اور پوری ٹیم 98 رنز پر ڈھیر ہو گئی ۔ نیوزی لینڈ کی چیمپئن نے 72 رنز کی فتح کے بعد ایونٹ کے مین راؤنڈ تک تقریباً رسائی حاصل کر لی ہے ۔ کپتان ڈینئیل فلن اور بی جے واٹلنگ نے 53 ، 53 رنز سکور کیے ۔ قومی ٹی 20 چیمپئن کا تیسرا اور اہم میچ 16 سمتبر کو شیڈول ہے جس میں فتح کی صورت میں حفیظ الیون ٹورنامنٹ کھیلے گی ، ورنہ وطن واپسی کا ٹکٹ کٹائے گی ۔ گزشتہ روز کے دوسرے میچ میں لینڈل سائمن اور مائیک ہسی نے ممبئی انڈینز کی ہنسی لوٹا دی ۔ انڈینز نے سری لنکا کی سائودرن ایکسپریس کو نو وکٹوں سے زیر کیا ۔ سائمنز 76 اور ہسی 60 رنز کے ساتھ ٹاپ سکورر رہے ۔ –
تبصرے بند ہیں.