غیرجمہوری عناصرکی سازشیں کامیاب نہیں ہونے دینگے،بلاول

کراچی: پیپلزپارٹی کے سرپرست اعلیٰ بلاول بھٹو زرداری نے کہاہے کہ کچھ قوتیں جمہوریت پسند جماعتوں کوانتخابات سے دور رکھنے کی سازشیں کررہی ہیں لیکن ان عناصر کی سازشوں کوعوام اور جمہوریت کے استحکام کیلیے کوششیں کرنے والی جماعتوں کے تعاون سے ناکام بنادیاجائے گا۔ تمام حالات کا ڈٹ کر مقابلہ کریں گے اور آئندہ انتخابات میں بھرپور طریقے سے حصہ لیاجائے گا۔پیپلزپارٹی سندھ کے صدر اور سابق وزیر اعلیٰ سیدقائم علی شاہ سے فون پرگفتگوکرتے ہوئے انھوں نے کہاکہ پیپلزپارٹی،ایم کیوایم اوراے این پی متحد ہو کر موجودہ حالات کامقابلہ کریں گی اورمستقبل میں بھی ساتھ مل کر چلیں گی۔