شاہین کی یارکر سے اسپتال پہنچنے والے بیٹر گرباز کا بیان سامنے آگیا

ٹوئٹر پر رحمان گرباز نے میچ کے دوران لی گئی اپنی تصویر شیئر کرتے ہوئے دعائیں کرنے والے مداحوں کا شکریہ ادا کیا۔

انہوں نے کہا کہ اللہ کے کرم سے اب بالکل ٹھیک ہوں اور آنے والے میچز میں کھیلنے کے لیے تیار ہوں۔

Thanks alot for the concerns and prayers 😊 with the mercy of Allah I am alright now Alhumdulillah and ready to play in coming matches in sha Allah ❤️ pic.twitter.com/N2G2s2F01h

— Rahmanullah Gurbaz (@RGurbaz_21) October 20, 2022

اس سے قبل افغان کرکٹ بورڈ نے بھی گرباز  سے متعلق بیان جاری  کیا تھا جس  میں بتایاگیا تھا کہ ‘گُرباز کے تمام ٹیسٹ کلیئر ہیں اور انہیں ڈاکٹرز نے صحت مند قرار دیا ہے جب کہ ان کے پاؤں کی کوئی ہڈی فریکچر نہیں ہوئی، تاہم توقع ہے کہ گُرباز انگلینڈ کے خلاف ہفتے کو ہونے والے میچ کے لیے دستیاب ہوں گے‘۔

وارم اپ میچ میں پہلے اوور کی پانچویں گیند پر شاہین نے یارکر کروایا جس پر اوپنر رحمٰن اللہ گرباز آؤٹ تو ہوئے ہی لیکن بدقسمتی سے زخمی بھی ہوگئے۔

بعدازاں گیم ختم ہونے کے بعد شاہین اور بابر گُرباز کی خیریت دریافت کرنے ڈریسنگ روم بھی گئے۔