ڈالر کی قیمت میں اضافے کے بعد روئی کی فی من نئی قیمت پانچ ہزار چار سو روپے مقرر کی گئی ہے
رحیم یار خان ( ) ڈالر کی قدر بڑھنے اور حکومت کی جانب سے خریداری کے اعلان کے بعد روئی کی قیمتیں بڑھنا شروع ہوگئیں ۔ مقامی منڈیوں میں روئی کی قیمت میں سو روپے من اضافہ ہوگیا ۔ قیمتوں میں اضافے کے بعد پنجاب میں روئی کی نئی قیمت پانچ ہزار چار سو روپے من ہوگئی ۔ جبکہ سندھ میں قیمت پانچ ہزار تین سو روپے من پر پہنچ گئی ۔ چیئرمین کاٹن جنرز فورم احسان الحق کے مطابق حکومت کی جانب سے دس لاکھ بیلز خریدنے کے اعلان سے روئی کی قیمتوں میں اضافے کا رجحان شروع ہوا ۔ روپے کے مقابلے میں ڈالر کی قدر میں اضافہ بھی قیمتوں میں تیزی کا سبب بنا ۔
تبصرے بند ہیں.