بھارت،سیکولرازم کابرقع مودی کے فرقہ پرستی کے عریاںپن سے بہترہے،کانگریس کاردعمل

نئی دہلی: بھارت کی برسراقتدارجماعت کانگریس نے گجرات کے وزیراعلیٰ نریندرمودی کو برقع کے حوالے سے بیان پرآڑے ہاتھوں لے لیاہے۔ پیرکو میڈیاسے گفتگوکرتے ہوئے کانگریس کے ذرائع ابلاغ کے ڈپارٹمنٹ کے سربراہ اجے مکین نے کہاکہ سیکولرازم کا برقع فرقہ پرستی اورکمیونزم کےعریاں پن سے بہت بہترہے۔ انھوں نے کہاکہ نریندرمودی کوپہلے ریاست کی سطح پراپنی کارکردگی بہترکرنا چاہیے اس کے بعدقومی سطح پربہتری کی باتیں کریں۔ انھوں نے کہاکہ گجرات ریاست کے اسکولوں میں طلبااور طالبات کی تعدادمیں 57 فیصد کے تناسب سے کمی ہوئی ہے جب ایک اسکول میں پڑھانے کیلیے اساتذہ نہیں ہیں۔ اسکولوں اورکالجوں میں پرنسپل کی اسامیاں خالی پڑی ہیں۔