محمد جان کو ساتھیوں سمیت ریموٹ کنٹرول بم کا نشانہ بنایا گیا ، دھماکے میں گاڑی مکمل تباہ ، سکیورٹی فورسز نے علاقے میں سرچ آپریشن شروع کر دیا
باجوڑ () باجوڑ ایجنسی میں بم دھماکہ ، قبائلی رہنما سمیت 5 افراد جاں بحق ، گاڑی مکمل تباہ ۔ باجوڑ ایجنسی کی تحصیل ماموند کے علاقے کمرسر میں قبائلی رہنما محمد جان اپنی گاڑی میں 6 ساتھیوں کے ہمراہ جا رہے تھے کہ سڑک کنارے ریموٹ کنٹرول بم دھماکہ ہو گیا جس سے گاڑی مکمل تباہ ہو گئی اور محمد جان ، قاری فضل ربی ، ملک مسافر خان اور نور احمد سمیت 5 افراد جاں بحق ہو گئے ، واقعہ کی اطلاع ملتے ہی سیکورٹی فورسز نے علاقے کو گھیرے میں لے لیا اور موقع پر پہنچ کر لاشوں کو ڈسٹرکٹ ہسپتال خار منتقل کر دیا گیا ، ذرائع کے مطابق دھماکہ اتنا شدید تھا کہ گاڑی مکمل تباہ ہو گئی اور انسانی اعضا دور دور تک بکھر گئے ۔ سیکورٹی فورسز نے علاقے کو گھیرے میں لے کر سرچ آپریشن شروع کر دیا ہے ۔ –
تبصرے بند ہیں.