فائنل میں آسٹریلیا نے پہلے کھیلتے ہوئے 217 رنز بنائے ،پروٹیز نے سکور 41 ویں اوور میں پورا کر لیا
ہرارے ( ) جنوبی افریقہ نے آسٹریلیا کو چھ وکٹ سے ہرا کر سہ ملکی کرکٹ سیریز جیت لی ۔ ہرارے میں سہ ملکی سیریز کے فیصلہ کن معرکے میں آسٹریلیا اور جنوبی افریقہ کی ٹیمیں مد مقابل ہوئیں ۔ جنوبی افریقہ نے آسٹریلیا کا 218 رنز کا ہدف 41 ویں اوور میں چار وکٹوں کے نقصان پر حاصل کیا ۔ فاف ڈیو پلیسی نے 96 رنز کی شاندار اننگز کھیل کر ٹیم کی جیت میں اہم کردار ادا کیا ۔ اے بی ڈی ویلئیرز نے 57 اور ہاشم آملہ نے 51 رنز بنائے ۔ اس سے پہلے آسٹریلوی ٹیم نے مقررہ پچاس اوورز میں 9 وکٹ پر 217 رنز بنائے تھے ۔ آرون فنچ 54 اور جیمز فالکنر 39 رنز کے ساتھ ٹاپ سکورر رہے ،پروٹیز بولرز میں ڈیل سٹین نے چار ، مورکل اور پارنیل نے دو دو شکار کیے ۔ –
تبصرے بند ہیں.