انتخابات میں جماعت اسلامی کی ناکامی پرمنور حسن امیرکی حیثیت سے مستعفیٰ

لاہور: امیر جماعت اسلامی سید منور حسن نے ملک میں ہونے والے حالیہ انتخابات میں ناکامی پر اپنا استعفٰی جماعت کی مجلس شورٰی کو پیش کردیا ہے۔سید منور حسن نے گزشتہ روز منصورہ میں مجلس شوریٰ کے اجلاس کے دوران اپنا استعفیٰ پیش کیا ان کا کہنا تھا کہ انتخابات میں ناکامی پر وہ اخلاقی طور پر اپنی ذمہ داریوں سے استعفیٰ دے رہے ہیں تاہم شوریٰ نے ان کا استفعیٰ قبول کرنے سے انکار کرتے ہوئے ان سے کام جاری رکھنے اپیل کی ہے۔ شورٰی کا کہنا ہے کہ انتخابات میں جماعت اسلامی کی ناکامی صرف تنظیمی نہیں، اس کے پیچھے اسٹیبلشمنٹ اور دیگر عوامل بھی شامل تھے۔ واضح رہے کہ سید منور حسن 2009 میں قاضی حسین احمد کی جگہ جماعت اسلامی کے امیر منتخب ہوئے تھے۔