امریکی ریاست کیلی فورنیا کے جنگلات میں آگ پھیلنے لگی

کیلی فورنیا…امریکی ریاست کیلی فورنیا کے جنگلات میں لگنے والی آگ تیزی سے پھیل رہی ہے، خطرے کے باعث سیکڑوں گھر اور ایک یونیورسٹی خالی کرا لی گئی۔ لاس اینجلس کے شمال مغرب میں جنگلوں میں لگنے والی آگ نے اب تک 2 ہزار ایکڑ رقبے کو لپیٹ میں لے لیا ہے۔ ممکنہ نقصان سے بچنے کے لیے قریبی آبادی کے گھروں کو خالی کرالیا گیا ہے۔ سیکڑوں فائر فائٹر آگ پر قابو پانے کی کوشش میں مصروف ہیں جب کہ ہیلی کاپٹروں سے بھی مدد لی جارہی ہے۔ آگ کے باعث کئی گاڑیاں جل گئیں تاہم کسی جانی نقصان کی اطلاع نہیں ملی۔