جنوری کے مہینے میں مہنگائی کی شرح آٹھ فیصد سے کم رہی
اجناس کی قیمتوں میں کمی کے باعث جنوری کے دوران مہنگائی میں اضافے کی شرح آٹھ فیصد سے کم رہی تاہم اس دوران گھروں کے کرائے اور تازہ سبزیوں کے نرخوں میں اضافہ ہوا۔
اسلام آباد: ) وفاقی ادارہ شماریات کے اعدادوشمار کے مطابق جنوری میں افراط زر سات اعشاریہ نو فیصد رہی جبکہ دسمبر میں مہنگائی کی شرح نو اعشاریہ دو فیصد تھی۔ گزشتہ ایک ماہ کے دوران تازہ سبزیوں میں آٹھ اعشاریہ تین فیصد جبکہ گھروں کے کرایوں میں دو اعشاریہ ایک فیصد اضافہ ہوا۔ جنوری کے دوران آلو کی قیمت میں چھبیس فیصد، انڈوں میں آٹھ اعشاریہ سات فیصد، چینی میں چار فیصد، چائے کی قیمت میں چار فیصد کمی ہوئی۔