کے ای ایس سی نے کراچی کے شہریوں پر بجلی گرانے کی تیاری کر لی، آج سے شہر میں 13 گھنٹے تک کی لوڈ شیڈنگ کی جائے گی۔ کے ای ایس سی نے حکومتی اداروں پر بھاری واجبات اور اسکی عدم ادائیگی کا جواز بنا کر شہر قائد کے باسیوں کو بجلی کی بد ترین بندش کے عذاب میں مبتلا کر نے کا فیصلہ کر لیا ہے۔ کے ای ایس سی حکام کا کہنا ہے کہ حکومتی اداروں پر 84 ارب روپے کے واجبات ہیں جس نے ادارے مالی بحران میں مبتلا کر دیا ہے۔ اس پورے جھگڑے کا باقائدگی سے بجلی کا بل ادا کرنے والے شہریوں، تاجروں اور صنعتکاروں کا کیا قصور ہے۔ شہریوں کا کہنا ہے کہ حکومت کے کئے کی سزا انہیں دی جانے کی کوشش کی جا رہی ہے جو کسی طور قابل قبول نہیں۔ شہریوں کا کہنا ہے کہ کسی اور کے جرم کی سزا انہیں دینا سراسر ناانصافی، ادارے کا غیر قانونی اور اس کی اپنی ہی پالسی کے خلاف ہے۔
تبصرے بند ہیں.