کراچی میں پارٹی رہنماؤں کے ہمراہ پریس کانفرنس کرتے ہوئے جہاں بلاول بھٹو زرداری نے پاکستان میں آنے والے حالیہ سیلاب اور ملکی سیاسی و معاشی صورتحال پر گفتگو کی وہیں انہوں نے اپنے والد کی صحت سے متعلق بھی بتایا۔
آصف علی زرداری کی صحت سے متعلق بلاول بھٹو زرداری کا میڈیا سے غیر رسمی گفتگو کرتے ہوئے کہنا تھا کہ سابق صدر آصف علی زرداری کا علاج بہتر ہو رہا ہے اور ان کی طبیعت میں بہتری آئی ہے۔
ایک سوال کے جواب میں بلاول بھٹو زرداری کا کہنا تھا کہ فی الحال آصف زرداری کے آپریشن کی ضرورت نہیں ہے۔
یاد رہے کہ چند روز قبل سابق صدر آصف علی زرداری کو طبیعت خراب ہونے پر کراچی کے نجی اسپتال منتقل کیا گیا تھا اور دبئی سے ڈاکٹرز کی ٹیم نے بھی ان کا طبی معائنہ کیا تھا۔
تبصرے بند ہیں.