تازہ ترینکھیل

سالٹ پاکستانی کرکٹر ہوتا تو موبائل سے ٹوئٹر ڈیلیٹ کر چکا ہوتا: صہیب مقصود

صہیب مقصود نے ٹوئٹر پر پیغام جاری کیا جس میں انہوں نے لکھا ‘اگر فل سالٹ پاکستانی کھلاڑی ہوتے تو اپنے موبائل سے 100 فیصد ٹوئٹر ڈیلیٹ کر چکے ہوتے’۔

قومی کرکٹر کی جانب سے اپنی ٹوئٹ میں مایوسی اور دکھ کے مشترکہ جذبے کے احساس والا ایموجی بھی استعمال کیا گیا۔

 

صہیب مقصود کی جانب سے ٹوئٹ میں یہ واضح تو نہیں کیا گیا کہ انہوں نے ایسا کیوں کہا لیکن اگر ہم پاکستان اور انگلینڈ کے درمیان جاری ہوم سیریز میں فل سالٹ کی پرفارمنس دیکھیں تو اندازہ لگانا مشکل نہیں۔

فل سالٹ نے صرف دوسرے ٹی ٹوئنٹی میں 30 رنز بنائے، اس کے علاوہ وہ پہلے میچ میں 10، تیسرے میچ میں 8، چوتھے میں بھی 8 اور پانچویں یعنی گزشتہ شب محض 3 رنز بناکر آؤٹ ہوئے۔

اس بات سے  اندازہ لگایا جاسکتا ہے کہ  صہیب مقصود نے یہ ٹوئٹ اس تناظر میں کی کہ جب بھی کوئی پاکستانی کھلاڑی خراب پرفارمنس دیتا ہے تو اسے سوشل میڈیا صارفین کی جانب سے سخت تنقید کا نشانہ بنایا جاتا ہے۔

شاید آپ یہ بھی پسند کریں مصنف سے زیادہ

تبصرے بند ہیں.