شیرمیاندادخان کا عرس بابا فرید پر خصوصی ویڈیو’’مارو تاڑیاں‘‘ ریلیز کردیا گیا

لاہور(شوبزڈیسک)بین الاقوامی شہرت یافتہ قوال و موسیقار استاد شیرمیاندادخان کا عرس بابا فرید کا خصوصی ویڈیو’’ماروتاڑیاں‘‘ ریلیز کردیا گیا۔تفصیلات کے مطابق اس ویڈیو کو گذشتہ روز SQP کمپنی نے اپنے آفیشل یوٹیوب چینل پرریلیزکیا ہے اس البم کی موسیقی ابی خان جبکہ شاعری وکمپوزیشن شیرمیاندادخان نے ترتیب دی ہے۔ ا س ویڈیو کے ڈائریکٹر پروڈیوسر شکیل قادری ، ڈی او پی نوید چوہدری اور کیمرہ مین محمد موسیٰ ہیں۔اس ویڈیو کو SQP اسلامک میڈیا کے لیئے زوم پروڈکشن نے تمام تر تکنیکی سہولیات فراہم کی ہیں۔ایک ملاقات کے دوران استاد شیرمیاندادخان نے بتایاکہ جس طرح ہرسال عرس بابا فرید پر ان کا خصوصی ویڈیو ریلیز کیا جاتا ہے اسی تسلسل کو جاری رکھتے ہوئے یہ خصوصی منقبت ریلیز کی گئی ہے جسے ان کے پرستار بہت پسند کررہے ہیں۔شیرمیاندادخان نے مزیدبتایاکہ ان کا اس محرم کا نوحہ بھی ریلیز کے لیئے تیار ہے جسے جلد ریلیز کردیا جائیگا۔