اسٹیج سے تعلق رکھنے والی متعدداداکارائوںنے عاشورہ محرم تک اپنی شوبز سر گرمیاں ترک کر دیں

لاہور(شوبزڈیسک) اسٹیج سے تعلق رکھنے والے متعدد اداکارائوںنے دس محرم الحرام تک اپنی شوبز سر گرمیاں ترک کر دیں ،عاشورہ محرم کے بعد دوبارہ اسٹیج ڈراموں میں کام شروع کیا جائے گا ۔ تفصیلات کے مطابق اسٹیج سے تعلق رکھنے والی متعدد نامور اداکارائوں نے محرم الحرام کا آغاز ہوتے ہی شوبز سر گرمیاں ترک کردی ہیں اوراس حوالے سے ڈرامہ پروڈیوسرز اور ہدایتکارںکو پیشگی آگاہ کر دیا گیا تھا ۔ یہ اداکارائیں محرم الحرام کی مناسبت سے ہونے والی مجالس میں شریک ہو رہی ہیں جبکہ اپنے گھروں پر بھی مجالس کا اہتمام کریں گی ۔ خواتین اداکارائیں عاشورہ محرم کے بعد دوبارہ شوبز سر گرمیوں کا آغازکریں گی۔