بڑی سکرین پر منفی کرداروں میں زیادہ پسند کیا گیا ‘ نیئر اعجاز

لاہور( شوبزڈیسک )سینئر اداکار نیئر اعجاز نے کہا ہے کہ بچپن میں کبھی بھی اداکاری کے بارے میں سوچا بھی نہیں تھا لیکن قسمت مجھے شوبز کی دنیا میں لے آئی،تین بھائی شوبز میں آئے اور تینوں نے اپنا مقام بنایا ۔ایک انٹر ویو میں نیئر اعجاز نے کہا کہ میں نے اپنی کیرئیر کی ابتدا ء پی ٹی وی سے کی اور مجھے چھوٹی سکرین سے بڑی شہرت ملی ۔ لاہور سے پیش کئے جانے والاڈرامہ ’’جنجال پور ہ ‘‘سے میری مقبولیت کو بلندیوں پر پہنچایا۔ میںنے بڑی اسکرین پر بھی کام کیا جہاں مجھے منفی کرداروں میں زیادہ پسند کیا گیا اور میںنے زیادہ تر فلموں میں میں ولن کا کردار ادا کیا ہے ۔نیئر اعجا زنے کہا کہ میری بچپن سے خواہش تھی کہ میں پاک فوج میں جائوںلیکن قسمت مجھے شوبز کی دنیا میں لے آئی دل میں آج بھی خواہش مچلتی ہے کہ میں پاک فوج میں ہوتا۔