لاہور(شوبزڈیسک ) سینئر اداکار شہزاد رضا کے اعزاز میںخصوصی تقریب کا انعقاد کیا گیا جس میںشوبزسے وابستہ سینئر افراد نے شرکت کی ۔ شہزاد رضا کو خراج تحسین پیش کرنے کے لئے منعقدہ تقریب میں قوی خان،بہروز سبزواری ،بشری انصاری، انور اقبال ، کاظم پاشا، شہزاد خان،یاسرنواز ،غزالہ جاویدسمیت دیگر فنکاروں نے شرکت کی ۔قوی خان نے شہزاد رضا کو نوجوان قرار دیتے ہوئے کہا کہ اس سے بہت سے لوگوں نے سیکھا ہے اور اس نے بھی ہمیشہ پیار محبت اورشفقت کا اظہار کیا ہے ۔ بہروزسبزواری نے کہا کہ شہزاد رضا نے میرے استادقاضی واجد کی بڑی خدمت اس لئے میں ان کا بے حد احترام کرتا ہوں اور ان کا تاحیات مشکور رہوں گا۔ ہم دونوںنے شوبز میں کئی دہائیاں گزار دی ہیںاور مجھے فخر ہے کہ میں نے شہزادرضا جیسے لیجنڈ کے ساتھ کام کیاہے ۔ تقریب میں شریک دیگر فنکاروں نے بھی شہزادرضا کی فنی خدمات پر بھرپور خراج تحسین پیش کیا ۔
تبصرے بند ہیں.