کراچی(سپو ر ٹس ڈیسک)آل رائونڈر شعیب ملک کی 15اگست تک انگلینڈ پہنچ کر قومی ٹیم جوائن کرنے کی توقع ہے۔ جس کیلئے پی سی بی نے انتظامات شروع کردیئے ہیںتاہم انہیں متفقہ پروٹوکولز کے تحت دو مرتبہ کورونا کی منفی رپورٹ درکار ہو گی۔شعیب ملک کو انگلینڈ کیخلاف ٹی ٹوئنٹی سیریز کیلئے اسکواڈ کا حصہ بنایا گیا ہے جس کے میچز اولڈ ٹریفرڈ پر 28اور 30اگست کے علاوہ یکم ستمبر کو شیڈول ہیں۔واضح رہے کہ پی سی بی کی جانب سے خصوصی اجازت کے بعد فیملی کے ساتھ کچھ وقت گزارنے کی وجہ سے شعیب ملک دیگر پلیئرز کے ساتھ انگلینڈ نہیں جا سکے تھے۔ دوسری جانب والد کے انتقال کے باعث گزشتہ ہفتے وطن واپس لوٹنے والے اسسٹنٹ کوچ شاہد اسلم بھی آج مانچسٹر روانہ ہو جائیں گے۔
تبصرے بند ہیں.