لاہور(سپو ر ٹس ڈیسک)مانچسٹر ٹیسٹ میں انگلینڈ کیخلاف چار وکٹیں لینے والے قومی لیگ سپنر یاسر شاہ نے کیریئر کے 40ویں ٹیسٹ میں اپنی وکٹوں کی تعداد 217تک پہنچا کر دائیں ہاتھ کے لیگ سپنرز میں سرفہرست پوزیشن حاصل کرلی۔ آسٹریلین پلیئر کلیری گریمیٹ کو بھی پیچھے چھوڑ دیا جنہوں نے 37ٹیسٹ میچوں میں 216وکٹیں حاصل کی تھیں۔دلچسپ ترین بات یہ ہے کہ چالیسویں ٹیسٹ تک معروف کینگرو لیگ سپنر شین وارن 187اور بھارت کے انیل کمبلے 168وکٹوں تک رسائی ممکن بنا سکے جبکہ آسٹریلیا کے سٹورٹ میک گل بھی 198وکٹیں لے سکے تھے۔واضح رہے کہ پاکستان کی جانب سے اس سے قبل 40ویں ٹیسٹ تک دانش کنیریا 169اور مشتاق احمد کو 164وکٹیں مل سکی تھیں۔
تبصرے بند ہیں.