دورہ آسٹریلیا اور ایشین چیمپیئنز ٹرافی کیلئے قومی ہاکی ٹیم کا اعلان

لاہور: دورہ آسٹریلیا اور ایشین چیمپئنز ٹرافی کے لئے پاکستانی ہاکی ٹیم کا اعلان کردیا گیا ہے۔ دورہ آسٹریلیا اور ایشین چیمپیئنز ٹرافی کے لئے 20 رکنی ٹیم کی قیادت محمد عمران کریں گے جبکہ دیگر کھلاڑیوں میں عمران شاہ، عمران بٹ، خالد بھٹی، محمد عمران، کاشف شاہ، رضوان جونیئر، عامر شہزاد، فیصل قادر، سلمان حسین، عمر بھٹہ، دلبر حسین، شفقت رسول، محمد سلمان، ارسلان قادر، عماد بٹ اور توثیق احمد شامل ہیں جبکہ بیرون ملک لیگ کھیلنے والے کاشف محمود، فرید احمد، رضوان سینیئر اور وسیم خان کو بھی ٹیم میں شامل کیا گیا ہے۔ قومی ہاکی ٹیم 15 اکتوبر کو آسٹریلیا روانہ ہوگی جہاں وہ 17 سے 20 اکتوبر تک نائن اے ٹورنامنٹ کے علاوہ 22 سے 25 اکتوبر تک آسٹریلیا کے خلاف 3 ٹیسٹ میچز بھی کھیلے گی، اس کے بعد قومی ٹیم 27 اکتوبر کو جاپان روانہ ہوگی جہاں یکم نومبر سے ایشین چیمپیئنز ٹرافی کا آغاز ہوگا۔