واشنگٹن(نیٹ نیوز ) گوگل نے صحافتی اداروں کے لیے ایڈ منیجر پلیٹ فارم کی فیس اگلے 5 ماہ کے لیے معاف کرنے کا عندیہ دے دیا، گوگل کے مطابق مذکورہ اقدام کورونا وائرس کے تناظر میں کیا جس میں صحافتی ادارے بھی متاثر ہورہے ہیں، گوگل نے ایڈمنیجر پلیٹ فارم کی فیس سے متعلق فیصلہ ’جرنلزم ریلیف فنڈ‘ کے علاوہ کیا ہے، جس میں صحافتی اداروں کو ہنگامی امداد دی جائے گی، گوگل میں گلوبل نیوز پارٹنرز کے سربراہ جیسن واشنگ نے کہا کہ آنے والے دنوں میں تفصیلات کا اعلان کیا جائے گا، انہوں نے مزید کہا کہ نیوز آو¿ٹ لیٹ متعلقہ ہدایت پر عمل کو یقینی بنائیں۔واشنگٹن نے ایک بلاگ پوسٹ میں کہا کہ عالمی سطح پر بحران کے وقت لوگ باخبر اور محفوظ رہنے کے لیے معیاری صحافت پر انحصار کرتے ہیں۔انہوں نے کہا کہ نیوز کوریج کے دوران آنے والے اشتہارات صحافیوں کے لیے استعمال ہوں گے جو نیوز سائٹ اور ایپ چلا رہے ہیں۔بلاگ پوسٹ میں کہا گیا کہ عالمی سطح پر کوالیفائی کرنے والے نیوز پبلشرز کے لئے ایڈ سروسنگ کی فیس اگلے پانچ ماہ کے لئے معاف کردی جائے گی۔واضح رہے کہ گوگل کا ایڈ منیجر ایک خودکار پلیٹ فارم ہے جسے خبروں کے ذریعہ ویب سائٹ پر پیغامات کی مارکیٹنگ کے لیے استعمال کیا جاسکتا ہے۔صحافی ادارے بھی وائرس کی وجہ سے معاشی بحران سے دوچار ہیں جو وسائل کی کمی کے باعث گلوبل ہیلتھ کرائسز پر رپورٹنگ نہیں کرپارہے۔گوگل نے رواں ہفتے کہا کہ گرانٹ کی پیش کش کرے گا جو ’ایک ہزار ڈالر سے کم‘ اور ’بڑے نیوز روم کے لیے ہزاروں ڈالر سے قدرے‘ کم ہوگا، تاہم گوگل کی جانب سے فنڈ کی مجموعی رقم کا تذکرہ نہیں کیا گیا۔واضح رہے کہ فیس بک نے 30 مارچ کو عالمی سطح پر وبائی امراض سے متاثر ہونے والی صحافتی تنظیموں کی مدد کے لیے ایک کروڑ ڈالر کاعطیہ کیا تھا۔حالیہ مہینوں میں فیس بک اور گوگل نے اس تنقید کے بعد نیوز تنظیموں کی مدد کے لیے کوششیں تیز کردی تھیں کہ ان کے آن لائن اشتہارات کی بھرمار سے میڈیا کو ڈیجیٹل آپریشن سے فائدہ اٹھانے میں شدید مشکلات کا سامنا ہے۔
تبصرے بند ہیں.