برمنگھم:
بھارت کیخلاف چیمپئنز ٹرافی میچ کی تیاریوں میں مصروف قومی کرکٹرز کا ہیڈکوچ مکی آرتھر نے حوصلہ بڑھا دیا۔
چیمپئنز ٹرافی کا آغاز توجمعرات سے ہورہا ہے لیکن پاکستان کا پہلا میچ 4جون کو بھارت سے شیڈول ہے، اس اہم مقابلے کی تیاریوں میں مصروف قومی کرکٹرز کی ٹریننگ شروع ہوئی تو ہیڈکوچ مکی آرتھر نے حوصلہ بڑھا دیا، انھوں نے مختصر لیکچر میں کھلاڑیوں کو حکمت عملی سے آگاہ کرتے ہوئے نیچرل کھیل پیش کرنے کی ہدایت کردی ہے، بعد ازاں بھرپور مشقوں کا سلسلہ بھی جاری رہا، فیلڈنگ کوچ اسٹیورکسن نے سلپ کیچز کی پریکٹس کروائی، 2نیٹس میں پیسرز اور ایک میں سپنرز ٹاپ آرڈر کو پریکٹس کرواتے رہے، بیٹنگ کوچ گرانٹ فلاور کی خصوصی توجہ کا مرکز اوپنرز بنے، گھٹنے کی انجری کے بعد فٹنس کی بحالی کیلیے کوشاں وہاب ریاض نے بولنگ شروع کردی انھوں نے قبل ازیں فزیو شان ہیز کی معاونت سے جم سیشن بھی کیا۔
تبصرے بند ہیں.