ممبئی:
بالی ووڈ کی معروف اداکارہ پریانکا چوپڑا نے سلمان خان کی فلم ’بھارت‘ میں کام کرنے سے انکار کردیا ہے۔
بالی ووڈ کے سلطان سلمان خان کے ساتھ فلم ’مجھ سے شادی کروگی‘، ’سلام عشق‘ اور’ گوڈ تسی گریٹ ہو‘ میں کام کرنے والی بھارت کی صف اول کی اداکارہ پریانکا چوپڑا کے آج کل ہالی ووڈ میں چرچے ہیں جہاں وہ مشہور امریکی سیریز ’کوانٹیکو‘ میں مصروف ہیں تاہم انہوں نے سلمان خان کے مدمقابل فلم ’بھارت‘ کے ذریعے بالی ووڈ میں واپسی کا اعلان کیا تھا۔
بالی ووڈ کی اداکار و ہدایت کی کامیاب جوڑی عباس ظفر اور سلمان خان انڈسٹری کو ’سلطان‘ اور ’ٹائیگر زندہ ہے‘ جیسی بلاگ بسٹر فلمیں دے چکے ہیں اور اب وہ فلم ’بھارت‘ کرنے جارہے ہیں جس کے لیے سلو میاں کے مدمقابل پریانکا چوپڑا کو مرکزی کردار کے لیے کاسٹ کیا گیا تھا اور اداکارہ نے بھی فلم کرنے کی حامی بھرلی تھی لیکن اب انہوں نے اس پروجیکٹ سے معذرت کرلی ہے۔
تبصرے بند ہیں.